Украинада бастықтың әзіл-қалжыңдарына күлетін қызметкер іздестіріліп жатыр
Оған қойылатын басты талап — жұмыс чаттарында және онлайн кездесулер кезінде бар дауысымен қарқылдап күлу.
Ерекше вакансия Work.ua сайтында пайда болды. Оны орналастырған Киевтегі маркетингтік агенттік. Үміткерге өз күлкісінің жазбасын жіберу керек. Вакансияның сипатамасында «Бізге шұғыл түрде басшының көңіл-күйін көтеріп отыратын қызметкер қажет» деп жазылған. «Бастық өзін әзіл-сықақ сезімі керемет адам екеніне сенімді. Сондықтан ортақ чаттарда қалжыңдарына реакция болмаса, қатты ренжиді», деп жазылған вакансияда.
