«Үздік педагог» байқауының жеңімпаздарына 3,6 млн теңгеден сыйақы берілді
Биыл байқауға мектептер мен колледждерден барлығы 1750 мұғалім қатысып, олардың 64-і жеңімпаз атанды.
Ұстаз рөлінің маңызы зор. Мысалы, биыл біздің оқушыларымыз әлемдік олимпиадаларда 26 медаль жеңіп алды және бұл жүлделердің екеуі алтын медаль, деп хабарлайды Оқу-ағарту министрлігінің баспасөз қызметі. Айта кетсек, «Үздік педагог» байқауы 2012 жылдан бері өткізіліп келеді. Осы уақытқа дейін 700-ге жуық педагог үздік деп танылды, олардың әрқайсысына мемлекеттік қолдау ретінде 1000 айлық есептік көрсеткіш мөлшерінде сыйақы берілді.
