Қазақстандық оқушылар робототехникадан әлем чемпиондары атанды
Сингапурда өткен FIRST Global Challenge робототехникадан ең ірі чемпионатта біздің команда рекордтық нәтижеге қол жеткізді.
Қазақстан құрама командасына Алматы қаласындағы Назарбаев зияткерлік мектебінің студенттері кірді: Нұрислам Тұрғынбай, Нұрсұлтан Жанзақов, Сергей Гапонов, Дәмелі Шаймерденова және Иманәлі Көксал болды. Ұлттық құраманың бапкерлері — Бекзат Іңкәров пен Нұрдәулет Досмағамбет. Біздің команданың алдында өткен жылғы Женевадағы тарихи жеңісті қайталау міндеті тұрды және олар мұны ойдағыдай орындап, ұпай саны бойынша әлемдік рекорд орнатты.
Айта кетсек, FIRST Global Challenge – жыл сайын әртүрлі елдерде өтетін олимпиадалық үлгідегі жаһандық робототехника чемпионаты. Осы жылғы чемпионатқа әлемнің түкпір-түкпірінен 190-нан астам ел қатысты.
Дереккөз: ҚР Оқу-ағарту министрлігі
