Қазақстандық мейрамханалар беделді француз рейтингіне енді
La Liste жасаған 2025 жылдың ең үздік 1 000 мейрамханасы тізіміне 4 қазақстандық мейрамхана енді. Олар Алматы және Астанада орналасқан.
Төрт үздік қазақстандық мейрамхана ішінде Алматыдағы «Огонёк» мейрамханасы ең жоғары балл алды – 76,5. Ал Астанада орналасқан «Qazaq Gourmet» және «Selfie» 76 ұпай жинаса, Алматы қаласындағы «Қазақ ауылы» 75 ұпайға ие болды. АҚШ, Ұлыбритания, Швейцария, Франция, Германия, Жапония және Қытай елдерінде орналасқан мейрамханалар 99 ұпайдан жинап, бірінші орынға ие болды, деп хабарлайды Қазақпарат. La Liste рейтингі Франция Сыртқы істер министрлігінің бастамасымен 2015 жылдан бері жарияланып келеді. Сарапшылар баруға тұрарлық әлемдегі ең үздік мейрамханалар тізімін ұсынады.
Фото: Unsplash
