«Новая волнаның» екі күндік қорытындысы: Қазақстандық Mezzo тобы үздік үштікке кірді
Әншілер Сочидегі байқаудың алғашқы күні Мэрайя Кэридің Without you композициясын, ал екінші күні Батырхан Шүкеновтың «Дождь» әнін орындады. Осылайша байқаудың екі күндік қорытындысы бойынша Армения, Қазақстан және Болгария әншілері үздік деп танылды.
«Новая волна» жас орындаушылар байқауы Сочиде 25 тамызға дейін жалғасады. Биыл қазылар алқасы құрамына қазақстандық әнші Димаш Құдайберген кірді. Айта кетейін, 2012 жылы құрылған Mezzo тобы классикалық және поп-музканың синтезі деп танылған классикалық кроссовер бағытында өнер көрсетеді.
