Microsoft 30 жылда алғаш рет пернетақтаға жаңа перне қосады
Windows 11 жүйесі бар жаңа компьютерлерде жасанды интеллект көмекшісін іске қосатын Copilot пернесі пайда болады.
Жаңа перне оң жақтағы Ctrl пернесін алмастырады немесе оның жанында орналасатын болады. Copilot пернесі жұмыс істеу тиімділігін арттырады, мысалы, Word-та Copilot мәтінді жазуға немесе өңдеуге көмектеседі, ал PowerPoint бағдарламасында мәтіндік құжаттарды презентацияларға айналдырады. Copilot пернесі бар алғашқы компьютерлер алдағы бірнеше аптада пайда болады және ақпан айының соңында немесе көктемнің басында қолжетімді болады.
