Қазақстандық спортшы брейк-данстан халықаралық турнирде топ жарды
Финалға шығу жолында Амир Закир Бельгия, АҚШ, Норвегия және Ресейдің өкілдерін артта қалдырды.
Жалпы Бельгиялық Антверпен қаласында өткен JBL Unbreakable жарысына 30 елден астам құраманың спортшылары қатысты. Финалда Амир турнирді өткізіп отырған Бельгия өкілі Mighty Jimm-мен кездесті. Үш раундтан кейін Петропавл тумасы жеңімпаз атанды. Айта кету керек, брейк-данс 2024 жылы Парижде өтетін Олимпиада ойындарының бағдарламасына кірді.
Дереккөз: Olympic.kz
