Kcell жаңа антенналары арқылы кептеліс жиі болатын көшелерді жоғары сапалы интернетпен қамтамасыз етеді
Алматы мен Астанада ұялы байланыс операторы интернетті жақсарту үшін жаңа жабдықтарды орнатуда.
StreetMacroCell қуаты аз шағын антенналары 4G байланысы арқылы интернет сигналында қиындықтары бар аймақтарды қамтиды. Болашақта құрылғылар 5G байланысымен қамтылмақ.
Олардың артықшылығы – тез орнатылады, салмағы аз, өлшемі кішкентай, сондай-ақ қолданыстағы дайын құрылымдарға да қосылады. Мысалы, қарапайым тіректерге немесе жарықтандыру тіректеріне орналастыруға болады.
Мұндай антенналар қыркүйек айында Алматыдағы Әл-Фараби даңғылының бойында, сондай-ақ Астана қаласындағы Capital Park тұрғын үй кешенінде пайда болды.
Бұл орындар кездейсоқ таңдалмаған. Жол кептелісі кезінде байланысқа жүктеме түсіп, сигнал тарату бойынша қиындықтар туындайды. Сондықтан, StreetMacroCell антенналарын орнату өзекті мәселе болды.
Құрылғы тіпті ең жоғары жүктеме сағаттарында да аймақты жоғары жылдамдықты интернетпен қамтамасыз ете алады.
Алматы, Астана және Шымкент қалаларында шведтік Ericsson өнімінің тағы 15 көше құрылғысын орнату жоспарда бар.
