Kcell 5G арқылы сауда орталықтарын технологиялар мекеніне айналдырмақ
Сауда және ойын-сауық орталықтарында жаңа іс-шаралар, соның ішінде киберспорт турнирлері ұйымдастырылады.
7-8 ақпанда Kcell 5G базалық станциясы орнатылған Алматыдағы сауда орталықтарының бірінде осындай турнир өткізу жоспарланып отыр. Іс-шараға әуесқойлар да, кәсіби ойыншылар да қатыса алады. Айта кетсек, осы аптада Kcell Алматы, Шымкент, Қонаев, Атырау, Ақтау және Орал қалаларына 20-дан астам базалық станцияларды орнатуды жоспарлауда. Ал 2027 жылға қарай компаниялар консорциумы, оның ішінде Kcell 7 мыңнан астам 5G базалық станцияларын орналастырады.
