Imanbek тағы бір жүлдеге ие болды
Бұл жолы қазақстандық диджей Billboard Awards жүлдесінің иегері атанды.
Бұл туралы музыкант Instagram-парақшасында жариялады. Иманбек Зейкенов Saint JHN-ның Roses әніне жасаған ремиксі үшін «үздік электрондық ән» номинациясында жеңіске жетті. «Billboard Awards марапатын алдым. Grammy-ден кем түспейтін тағы бір сыйлық қанжығада», — деп жазды музыкант. Жанкүйерлер әншіні құттықтап: «Бәрекелді!», » Аңыз адам! – деп жазып жатыр. Айта кетейік, Billboard Music Award — америкалық Billboard басылымы беретін музыкалық сыйлық.
