Алматыда виртуалды шындық әлемі мен лабиринті бар жаңа отбасылық саябақ ашылады
Ауданы 4,5 гектар Alem Рark қаланың Наурызбай ауданында салынады. Саябақта 44 аттракцион мен 4 фудкорт болады.
Бұл туралы Алматы әкімі Бақытжан Сағынтаев мәлімдеді. Саябақта балалар батутта секіреді, виртуалды шындық әлеміне енеді, үшінші қиындық деңгейіндегі арқан жолынан өтеді, лабиринттен шығудың жолын табады, өзінің Lego үйін салады және, әрине, туған күнін тойлай алады.Саябақтың негізгі идеясы — көркем табиғат ландшафтын заманауи ойын-сауық технологияларымен үйлестіру, мұнда балалар мен ересектер үшін демалыс пен ойын-сауық біріктіріледі. Әр түрлі мастер-класстар, отбасылық жарыстар, балалар кештері, аниматорлардың қатысуымен ашық ауада ойындар өтеді.
