Алматыдағы әл-Фараби даңғылы жаңа кейіпке енеді
Онда ерекше жоба жүзеге асырылады – даңғылда ботаникалық бақ пен жоталарда салынатын жаңа саябақты байланыстыратын жасыл көпір пайда болады.
Қала әкімдігі жаяу жүргіншілер көпірі жасыл желекті қалыптастыратын қаладағы жаңа символға айналады деп отыр( . Көпір бақтың жалғасы болады. Оның ұзындығы — 350 метр, ал жаяу жүру бағыты — шамамен бір шақырым. Жалпы жол Шығыс айналма автожолынан Тұңғыш Президент саябағына дейін қайта жөнделеді. Әл-Фараби даңғылымен бірге Есентай өзенінің көрінісі де өзгереді. Мұнда көпір астындағы кеңістікті және жағалау аймағын абаттандыратын паркур орнын құру жоспарланған.
