Бір қолға 4 дана: «Астана»-«Челси» ойынына билеттер сатылымға шықты
Матчқа деген қызығушылық танытқандар көп болуына байланысты билет сату бойынша қауіпсіздік шарттары қарастырылған.
- Бір қолға 4 дана билет сатылады: сатып алу электрондық пошта, телефон нөмірі және несие картасын тіркеу арқылы жүзеге асырылады;
- Билеттер жеке тұлғаға рәсімделеді, тапсырыс беру кезінде әрбір келушінің деректерін енгізу қажет, матчқа барған кезде өзімен бірге растайтын құжат болуы тиіс;
- Матчқа қатысу құқығын беретін QR коды бар электрондық билет матч күні электрондық поштаға жіберіледі;
- www.zakazbiletov.kz сайтындағы кезектің артуына байланысты, онлайн кезек іске қосылуы мүмкін.
Еске салсақ, УЕФА Конференциялар лигасының жалпы кезеңінің матчы 12 желтоқсанда, сағат 20:30–да Алматыдағы Орталық стадионда өтеді.
Дереккөз: Қазақпарат
