Роберт Паттинсон ойнаған «Бэтменнің» алғашқы трейлері шықты
Бір тәуліктің ішінде Warner Bros.каналында жария болған видео 18 миллионнан астам қаралым жинады.
Басты кейіпкер Готэм қаласындағы қылмысқа қарсы күресіп жүр, және заңсыздыққа оның жанұясының қатысы бар екені белгілі. Бэтмен Загадочник деген қылмыскердің ізіне түседі. Фильмде басты кейіпкердің бірі – Мысық-әйелдің рөлін Зои Кравиц сомдады. Айта кетейік, басында Бэтменнің рөліне Бен Аффлек бекітілген еді, одан бұрын ол фильмнің режиссері ретінде тағайындалды. Алайда Аффлек бұл екі мүмкіндіктен де бас тартты. «Бэтменнің» премьерасы келесі жылдың наурызына жоспарланған.
