Қазақстан ұлттық құрамасы Еуро-2024-ке шықса, қандай командалармен ойнайды
Гамбург қаласында 2024 жылғы футболдан Еуропа чемпионатының топтық кезеңінің жеребе тарту рәсімі өтті.
Еуропа чемпионаты 2024 жылғы 14 маусым мен 14 шілде аралығында Германияда өтеді. Қазақстан құрамасы Еуро-2024-ке шыққан жағдайда F тобында Португалия, Түркия және Чехия құрамаларымен кездеседі. Еуропа чемпионатына жолдама алу үшін қазақстандық футболшылар Ұлттар лигасында алдымен Грекияны, содан соң Грузия – Люксембург жұбының жеңімпазын ұтуы керек. Ұлттар лигасының плей-офф матчтары 2024 жылғы 21-26 наурыз аралығында өтеді.
Дереккөз: Қазақстан футбол федерациясы
