Бизнес-идеяларды іске асыру үшін грант алуға өтінім қабылдау басталады
1-лек бойынша өтінімдер Business.enbek.kz порталында 20 мамырдан бастап қабылданады. Республика бойынша бірінші лекте 4 500 адамға грант беру жоспарлануда.
Гранттар қайтарымсыз негізде беріледі, нысаналы мақсаты — жаңа бизнесті бастау және дамыту. Грант көлемі – 1,5 млн теңгені құрайды. Әр қатысушы оны тек бір рет ала алады. Тіркелген жұмыссыздар мен жеке кәсіпкерлер (тіркеу мерзімі 3 жылға дейін құрайтын) үміткер бола алады. Сондай-ақ, үміткер әлеуметтік санаттардың бірінен болу керек:
— мүгедектігі бар адамдар;
— қолданыстағы «қандас» мәртебесі бар адамдар;
— өңіраралық қоныс аударушылар
— аз қамтылған отбасы мүшелері;
— көпбалалы отбасы мүшесі (жұбайы / зайыбы);
— мүгедектігі бар баланы тәрбиелеп отырған адам (жұбайы / зайыбы);
— асыраушысынан айырылу бойынша жәрдемақы алушылар.
Дереккөз: ҚР Еңбек және халықты әлеуметтік қорғау министрлігі
Фото: Pixabay
