Әлемдегі ең мықты спортшылардың бірі: Геннадий Головкин Назым Қызайбайды қола жүлдесімен құттықтады
Ұлттық Олимпиада комитетінің президенті боксшыны әлемдегі ең мықты спортшыларының қатарына қосты.
«Назымды Олимпиада ойындарының қола медалімен құттықтаймын!
Назым ұзақ жылдар бойы еліміздегі әйелдер боксының жарқын өкілі әрі команданың көшбасшысы болып келеді.
Өзінің алғашқы Олимпиадасына қатысқанына қарамастан, ол әлемдегі ең мықты спортшылардың қатарынан екенін тағы бір дәлелдеді. Сіздің бұл жетістігіңіз көптеген жас атлетке жігер сыйлап, еңбек пен төзімнің ақталатынына шынайы үлгі болсын деп тілеймін.
Қазақстан Ұлттық Олимпиадалық комитетінің атынан Назым мен оның бапкері Долкунжан Камековты және барша қазақстандықтарды Олимпиада медалімен құттықтаймын!», — делінген жеделхатта.
50 келі салмақта ел намысн қорғаған Назым Қызайбай жартылай финалда қытайлық Ю Вумен қолғап түйістіріп, төрешілер шешімімен ұтылды. Алайда, Олимпиада ойындарының қола жүлдесін қанжығасына байлады.
Дереккөз: Olympic.kz
