Британияда Валентин күнін түрмеде өткізу ұсынылып отыр
Көпшілік некені қиғанда, бостандықтан айырылдық деп айтатындары бар. Енді осы сөздер бір кешке шындыққа айналуы мүмкін.
Британияда Валентин күні қарсаңында ежелгі Оксфорд түрмесінде романтикалық кешкі ас ұйымдастырылады. Шамамен 100 мың теңгеге Вильгельм жаулаушы кезінде, яғни мың жыл бұрын тұрғызылған мұнарада естен кетпес уақыт өткізуге болады. Ас мәзіріне келетін болсақ: қонақтарға пармезан қосылған қызанақ тартары, бұқтырылған сиыр еті, тұшпара, сыр суфлесі және просекко, ал десертке пісте мен таңқурай қосылған ақ шоколадты мусс пудингі ұсынылады, деп хабарлайды New York Post.
