Қазақстандық қақпашы допты ерекше соғып, миллиондаған қаралымға ие болды
19 жастағы Әлихан Мұнарбаевтың қалжын видеосы 69 миллион жазылушысы бар «433» паблигінің назарын аударды.
Видеода Әлихан қақпаға бағытталған допқа қолы жетпейтінін түсінгенде кроссовкасын лақтырады. Алғашқы 2 сағатта бейнеролик 10 миллионға жуық қаралым жинады, ал қазір қаралым саны 20 миллионнан асты. Ал жазылушылар:
«Админ қазақ туралы жазса, белсенділік артатынын түсінген сияқты»,
— деп қалжындап жатыр. Еске салсақ, бұған дейін Қазақстандық жанкүйерлер «Манчестер Юнайтедтің» Инстаграмын шулатты. Біздің жанкүйерлер ұлттық құраманың қорғаушысы Нұралы Әліптің клубқа өтуі туралы жаңалықтан кейін соңғы посттың астныда 330 мыңнан астам комментарий қалдырды.
Фото: Instagram/@munarbaev_1
