Жаз маусымында курорттық аймақтырға қатынайтын рейстер мен пойыздардың саны артады
Мәселен, Астана мен Алматыдан аптасына 36 рейс жиілігімен Балқаш және Алакөл көлдеріне әуе рейстері орындалады.
Сонымен қатар Алакөл көлінің бағытында қосымша 3 Тальго пойызы мен 3 стандартты пойыз жүре бастайды. Қазіргі таңда жылжымалы құрамды жазғы кезеңге дайындау жұмыстары жүргізілуде. Мәселен, желдету және ауаны баптау жүйелерін қайта жаңғырту, сумен жабдықтау жүйесін жуу және дезинфекциялау бойынша іс-шаралар атқарылуда.
- Алматы қаласынан:
— Үржарға дейін (субсидияланатын рейс): аптасына 7 рет «Южное небо» әуе компаниясымен орындалады. Сондай-ақ биыл 1 шілдеден бастап Qazaq Air әуекомпаниясы аптасына 4 рейс жиілігімен (сейсенбі, бейсенбі, жұма және жексенбі күндері) коммерциялық рейстерді іске қосады;
— Үшаралға дейін (субсидияланатын рейс): аптасына 10 рет «Южное небо» әуе компаниясы орындайды. Сонымен бірге 16 маусымнан бастап Qazaq Air әуе компаниясы аптасына 4 рейс жиілігімен (сейсенбі, бейсенбі, жұма және жексенбі күндері) коммерциялық рейстерді іске қоспақ;
— Балқашқа дейінгі коммерциялық рейстерді «Южное небо» әуекомпаниясы орындайды, аптасына 3 рейс (сәрсенбі, жұма, жексенбі);
- Астана қаласынан:
— Үржарға 1 маусымнан бастап Qazaq Air әуекомпаниясы аптасына 4 рейс жиілігімен (сейсенбі, бейсенбі, жұма және жексенбі күндері) коммерциялық рейстерді іске қосады;
— Үшаралға биыл 16 маусымнан бастап Qazaq Air әуекомпаниясы аптасына 4 рейс жиілігімен (сейсенбі, бейсенбі, жұма және жексенбі күндері) коммерциялық рейстерді іске қосуды жоспарлап отыр.
Алакөл көлінің бағытында қосымша 3 Тальго пойызы мен 3 стандартты пойыз жүре бастайды:
1.№254/253 «Астана-Достық” (тальго);
2.№211/212 «Алматы-Достық»(тальго);
3.№207/208 «Алматы-Достық»(тальго);
- №221/222 «Алматы-Достық»(стандартты);
- №457/458 «Семей-Достық»(стандартты);
- №459/460 «Өскемен-Достық» (стандартты);
7.№21/6942/6941/22 «Алматы-Достық» (тіркеме вагон);
8.№21/6942/6941/22 «Қызылорда-Достық» (тіркеме вагон);
Дереккөз: Көлік министрлігі
