«Тәуелсіздік ұрпақтары»: Қазақстандық жастарға 3 млн теңгеден 30 грант беріледі
Конкурсқа жасы 14-тен кем емес және 29-дан аспаған Қазақстанның шығармашыл азаматтары қатыса алады.
Жастардың жобалары бірнеше бағыт бойынша қарастырылады. «Ғылым», «Мәдениет», «Ақпараттық технологиялар», «Бизнес» және «Медиа». Үміткерлердің конкурстық өтінімдері (қағаз нұсқада) 14 тамызға дейін қабылданады. Мекен-жайы: Нұр-Сұлтан қаласы, Мәңгілік Ел даңғылы, 8, «Министрліктер Үйі» әкімшілік ғимараты (014 кіреберіс). Байланыс нөмірлері: 8(7172)74-12-78, 8(702-000-88-12), (электрондық нұсқасы) generation.kaz@gmail.com поштасына қабылданады.
Конкурстық өтінімдер мемлекеттік және (немесе) орыс тілдерінде қабылданады және:
нысан бойынша жобаның сипаттамасы;
жобаның бейне-таныстырылымы (60 секундтан аспайды);
шығыстар сметасының жобасы;
зияткерлік меншік туралы мәліметтер (бар болса) қамтылуы тиіс.
Еске салсақ, 2021 жылы Тәуелсіздік күні қарсаңында мемлекет басшысы еліміздің 30 жас азаматына «Тәуелсіздік ұрпақтары» грантын табыс етті.
Дереккөз: Спутник
Фото: Pixabay
