Смартфон баламасы: Facebook ақылды сағат шығарады
![facebook часы](https://luxfm.kz/wp-content/uploads/2021/06/facebook-chasy.jpg)
Жаңа құрылғы екі камерамен жабдықталады – фронталды камера видео қоңырау жасау үшін, екіншісі – фото мен видео түсіру үшін.
Суреттер мен видеоны бірден Facebook пен Instagram-ға жүктеп отыруға болады. Сонымен қатар, ақылды сағатта фитнес-трекер, және мессенджер мен қосымшаларды жүктеу функциясы болады. Жалпы, шығарушылар жаңа құрылғы смартфонның баламасы ретінде қолданылады деп жоспарлап отыр. Осылайша Facebook Google мен Apple-ге бәсекелес болмақ. Ол үшін компания бір миллиард доллар жұмсап отыр. Жаңа ақылды сағат келесі жазда шығады деп күтілуде. Оның бағасы 400 доллар шамасында болмақ.
Дереккөз: The Verge