Шахмат ханшайымы: Бибісара Асаубаева шахматтан әлемдік үш бірдей рейтингте көш бастады
Қазақстандық шахматшы 20 жасқа дейінгі қыздар арасында үздік атанды, сонымен қатар блиц және рапидтен осы жас санатындағы рейтингте көш бастады.
20 жастағы Тараз тумасы Бибісара Асаубаева 2019 жылы әйелдер арасында гроссмейстер атанып, 2021 және 2022 жылдары блиц бойынша әлем чемпионатында жеңіске жетті. Шахматтан ұлттық құрама сапында Бибісара Асаубаева шахмат олимпиадасында екінші орынды иеленді, бұл Қазақстан құрамасының үздік нәтижесі, деп хабарлайды Tengrinews.
