Сальвадор әлемде алғаш рет криптовалютаны заңдастырмақ
Мемлекет басшысы Найиб Букеле биткоинды ұлттық валюта статусын бермек. Егер Конгресс президенттің ұсынысын қабылдаса, Сальвадор криптовалютаны заңдастырған әлемдегі алғашқы мемлекет атанады.
Айта кету керек, Сальвадорда әлі күнге дейін өзінің ұлттық валютасы жоқ. Оның орнына АҚШ доллары қолданылып келеді. Президенттің ойынша, биткоинды заңдастырғаннан кейін шетелде жұмыс істеп жүрген ел тұрғындары үшін жақындарына ақша аудару жеңілдейді. Сальвадордың 70% тұрғындарының банк шоттары жоқ екен.
Дереккөз: BBC
