Қазақстандық жігіт Apple-да басшылық қызметке тағайындалды
29 жастағы қазақстандық Әділхан Қопабаев Орталық Азия мен Армениядағы мемлекеттік саясат және үкіметпен байланыс бөлімінің басшысы лауазымына ие болды. Бұл туралы ол Instagram-парақшасында мәлімдеді.
«Apple Inc. компаниясына Орталық Азия мен Армениядағы мемлекеттік саясат және үкіметпен байланыс бөлімінің басшысы ретінде қосылғанымды қуана хабарлаймын»,
– деп жазды Әділхан.
Әділхан 2017 жылы Оңтүстік Кореядағы Ульсан Ұлттық Ғылым және технологиялар институтын «инженер-урбанист және технологиялық менеджмент» мамандығы бойынша бітірген. 2022 жылы Қопабаев АҚШ-тағы Brown University Мемлекеттік басқару бойынша магистратураны аяқтады, деп хабарлайды Tengrinews.
Фото: Instagram/@adilkhankopabayev
