Қазақстандық жасөспірімдер «Атлетико Мадрид» футбол академиясында жаттыға алады — келісімге қол қойылды
Испаниялық клуб тарихи келісімге қол қойды. Бұл испандық клубтың ТМД және Орталық Азиядағы алғашқы ресми базасы болмақ.
«Атлетико Мадрид» футбол академиясы Талғар қаласындағы «Ақбұлақ» Олимпиада орталығында салынады, деп хабарлайды Efe. Қазақстан мен Орталық Азияның барлық аймақтарынан балаларды іріктеуді испандық жаттықтырушылар мен мамандар тікелей өздері жүргізетін болады. Академияда заманауи спорт залдары, мультимедиялық кабинеттер, оңалту орталықтары, демалыс орындары, қонақ үй кешені және жас футболшыларға арналған жатақхана болады. Сондай-ақ мұнда ағылшын және испан тілдері курстары ұйымдастырылады.
