Қазақстанда алғаш рет білім беру ұйымдарының басшыларын ротация бойынша ауыстыру басталды
Ереже бойынша ротация бір білім беру ұйымында 4-7 жыл жұмыс істейтін балабақша, мектеп, колледждің директорларына қолданылады.
Алғашқы болып бұл ереже Ақтөбе облысындағы 4 колледжінде іске асырылып, онда жаңа директорлар тағайындалды. Бір білім беру ұйымында 4 жыл қызмет атқаратын бірінші басшы ротациядан бас тарта алады. Егер директор 7 жылдан астам уақыт жұмыс істесе, онда ол міндетті түрде ауыстырылады. Бұл білім беру ұйымында тиімді басқарушылардың қызмет етуіне және сыбайлас жемқорлық тәуекелдерін азайтуға жол ашады.
Дереккөз: Қазақпарат
