Қазақстан мен Оман арасында тікелей рейс ашылады
«Salam Air» әуе компаниясы 1 шілдеден аптасына 2 рейс (бейсенбі және жексенбі) жиілігімен Маскат-Алматы бағыты бойынша тікелей тұрақты рейстерді орындай бастайды.
Қазақстан мен Оман арасында әуе қатынасының ашылуы елдер арасындағы сауда-экономикалық, туристік және мәдени ынтымақтастықты дамытуға ықпал ететін болады.
«Salam Air» – Оманның Маскат қаласында орналасқан омандық төмен бюджеттік авиатасымалдаушы. Ұшуды 2016 жылы бастады.
Әуе компаниясы әлемнің 20-ға жуық еліне (Чехия, Босния және Герцеговина, Судан, Сауд Арабиясы, Пәкістан, Бангладеш, Непал, Шри-Ланка, Үндістан және т.б.) 30 бағыт бойынша халықаралық рейстерді орындайды. Әуе компаниясының паркінде 11 Airbus A320neo, A321neo ұшағы бар.
Дереккөз: ҚР Индустрия және инфрақұрылымдық даму министрлігі
