Қазақстан 2025 жылы Қытайдағы ең перспективалық туристік бағыт деп аталды
Қытайдың жетекші онлайн-туристік агенттігі Tongcheng Travel Қазақстанға «2025 жылғы ең перспективалық жаңа бағыт» марапатын табыстады.
Айта кетсек, Қытайдағы ең ірі онлайн-туристік агенттіктердің бірі саналатын Tongcheng Travel платформасы 230 миллионнан астам қолданушыны біріктіреді. Онлайн-агенттік деректеріне сәйкес, 2024 жылы қытайлық туристер арасында Қазақстанға саяхаттауға деген сұраныс оған дейінгі жылмен салыстырғанда 300% арта түскен. Tongcheng Travel бұл үрдіс 2025 жылы да жалғасады деп болжайды. Еске салсақ, бұған дейін Алматы CNN Travel беделді басылымының ең үздік туристік бағыттар рейтингінде көш бастады.
Дереккөз: Қазақпарат
Фото: Unsplash
