Президент Тоқаев Елена Рыбакинаны «Уимблдон» финалына шығуымен құттықтады
«Елена Рыбакинаны теннистегі ең беделді жарыс саналатын Уимблдон турнирінде табысты өнер көрсетуімен құттықтаймын. Ол финалға шықты!»,
— деп жазды Тоқаев Twitter- де. 23 жастағы Рыбакина жартылай финалда әлемнің бұрынғы бірінші ракеткасы, румыниялық Симона Халептен басым түсті. Елена Рыбакина Уимблдон жарысының финалына шыққан алғашқы қазақстандық теннисші. Ертең финалда ол әлемнің 2-ракеткасы, тунистік Онс Жабермен кездеседі.
