Нью-Йорк пандемияның аяқталуын үлкен концертпен атап өтеді
Ауқымды іс-шара биыл тамыз айына жоспарланып отыр. Қала басшысы Билл де Блазио орталық саябақта мегаполистің қалыпты өмірге оралуына байланысты 21 тамызда концерт өткізуді ұсынды.
Мереке бір аптаға жалғасады деп күтілуде.
«Бұл Нью-Йорк үшін таңғажайып, ұмытылмас апта болады»,
— деп қала әкімі уәде берді. Қазіргі уақытта қалада шамамен 4,5 миллион адам коронавирус вакцинасының кем дегенде бір дозасын алды. Айта кетейік, бізде де жақсы жаңалық — кеше Қазақстанның коронавирус таралуы бойынша жасыл аймаққа өткені белгілі болды.
Дереккөз: Reuters
