Бұл АҚШ-тан тыс ашылып отырған үшінші кампус және Қазақстандағы әлемдік деңгейдегі ашылған алғашқы шығармашылық университет.

New York Film Academy филиалында оқу осы жылдың 29 қыркүйегінде басталады. Оқу Алматы маңындағы Қаскелең қаласында Energo University-нің Креативті индустриялар паркінің аумағындағы кампуста өтеді. Филиалда оқытуды АҚШ-тан арнайы келетін кәсіби дәріскерлер 5 бағыт бойынша жүргізеді: Кино (Filmmaking); Продюсерлік ету (Producing); Сценарийлік іс (Screenwriting); Анимациялау және визуалды әсерлер (3D animation & VFX); Ойын әзірлеу (Game design). Оқуды бітіргеннен кейін түлектер Нью-Йоркте немесе Лос-Анджелесте оқуын жалғастыра алады. Қосымша ақпарат алу үшін ЖОО-ның қабылдау комиссиясына (+77076006493), сондай-ақ Алматыдағы NYFA ресми өкіліне (+77019990321) хабарласуға болады, деп хабарлайды Ғылым және жоғары білім министрлігінің баспасөз қызметі.

Фото: nyfa.edu