Netflix «Кальмар ойынының» екінші маусымын жариялады
Тизерде «Қызыл түс, жасыл түс» сынағындағы қуыршақ көрсетіледі.
Қуыршақтың көз қарашығында 2 саны пайда болады. Фильм режиссері Хван Дон Хюктің айтуынша, екінші маусымда бас кейіпкер Сон Ги Хун мен ойын жүргізушісі оралады. Сондай-ақ, жаңа кейіпкер – қуыршақтың жігіті пайда болады.
«Кальмар ойынының» алғашқы маусымы жарық көру үшін 12 жыл қажет болды. Ал бар-жоғы 12 күн ішінде ол әлемдегі ең танымал сериалға айналды»,
-деді режиссер Хван Дон Хюк. Еске салсақ, «Кальмар ойыны» алғашқы 28 күн ішінде 1,65 млрд қаралым жинады. Ол әлі күнге дейін Netflix-те қаралым бойынша көш бастап тұр.
Дереккөз: Deadline
