Наурыз айында Қазақстанда ең жоғары жалақы кімге ұсынылды?
Еңбек және халықты әлеуметтік қорғау министрлігінің мәліметінше, жұмыс берушілер жалақының ең көп мөлшерін объективті бақылау жөніндегі инженерлерге (650 мың теңгеден бастап), өндіруші өнеркәсіптегі учаскелер бастықтарына (628 мың теңге), сондай-ақ бас құрылысшыларға (627 мың теңгеден бастап) ұсынды.
Ал жұмыс іздеушілер арасында ең жоғары жалақыны құрылыстағы өндіріс бастығының орынбасары (1,1 млн теңгеден бастап сұраған, сондай-ақ, мұнай өндіру шебері (937 мың теңге) және коммерциялық кәсіпорындар директоры (819 мың теңге) талап еткен.
Жұмыскерлерді іздеуде ең жоғары белсенділікті Қарағанды және Түркістан облыстарының жұмыс берушілері көрсетті: тиісінше 6,8 мың және 4,7 мың бос жұмыс орны орналастырылды. Сондай-ақ, ірі қалалар еңбек нарығында сұранысты қалыптастыруға белсенді қатысты: Алматыда 6,3 мың, ал Астанада 6 мың бос жұмыс орны жарияланды.
Фото: Unsplash