Мысырда 3,5 мың жыл бұрын салынған қала табылды
Ғалымдардың айтуынша, Луксордың маңында табылған қала Тутанхамонның мазарынан кейінгі ең маңызды археологиялық олжа.
Оның негізі осыдан 3400 жыл бұрын билік еткен Аменхотеп III перғауыны кезінде құрылған. «Атонның көтерілуі» атты құмның астынан табылған қалада қабырғалардың биіктігі 3 метрге дейін жететін үйлер, наубайхана табылды. Арехеологтар мұнда қазынаға толы мазарлар бар екендігіне сенімді. Ғалымдар қаланы зерттеу кезінде әйгілі Нефертити мен Эхнатонның құпиясын ашуға үміттеніп отыр.
