Қазақстандық «Жаным, сен сенбейсің» фильмі Нью-Йорктегі кинофестивальде көрсетіледі
![](https://luxfm.kz/wp-content/uploads/2021/08/zhanym-ty-ne-poverish.jpeg)
Отандық картинаның Солтүстік Америкадағы премьерасы 12 тамызда өтеді.
Жалпы Нью-Йорктегі азиялық кинофестивальде 60 картина көрсетіледі. Еске салайын, Ернар Нұрғалиевтің «Жаным, сен сенбейсің» фильмі жас жұбайлардың арасындағы отбасылық ұрыстан басталады. Басты кейіпкер Дастан ашуын басу үшін достары – сәтсіз кәсіпкер мен учаскелік полицеймен бірге балық аулауға қашып кетеді. Міне, қызықтың бәрі осы сәттен басталады. Режиссердің айтуынша, бұл күлкілі, драйвқа толы фильм. Айта кетейін, «Жаным, сен сенбейсің» ресейлік «Киношок-2020» кинофестивалінде бірден үш номинацияда жеңімпаз атанған еді.
Дереккөз: Tengrinews