Қазақстандық әлемнің үздік 50 мұғалімі қатарына кіріп, миллион доллар үшін бақ сынайды
Асхат Жұмабеков Семейдегі Назарбаев зияткерлік мектебінде сабақ береді. Ол заманауи оқыту әдістерін қолданатын прогрессив педагог саналады.
Асхаттың шәкірттері ғылыми жобалар мен халықаралық олимпиада жүлдегерлері. 2019 жылы ол «Қазақстан мұғалімі» ұлттық сыйлығының топ-10 мұғалім қатарына енген. Айта кетейін, Global Teacher Prize халықаралық премиясы мұғалімдер үшін Нобель сыйлығымен тең келеді. Асхат Жұмабеков премия тарихында әлемнің топ-50 мұғалімі қатарына кірген алғашқы қазақстандық атанды.
Дереккөз: Tengrinews
