Иманбектің Моргенштернмен жазған трегі жария болды
Жаңа туындыны жазуға америкалық рэпер Fetty Wap қатысты.
Leck атты ән бүгін түнде YouTube-та жария болды. Бірнеше сағаттың ішінде ол жарты миллионға жуық қаралым жинады. Еске салайық, Иманбек кресейлік рэпермен трек жазғаны туралы 24 сәуірде Инстаграмдағы сторизде жариялады.
«Бірде америкос, қазақ, еврей жиналған кезде…»,
— деп жазды қазақстандық диджей. Моргенштерн де желіге видео жүктеп,
«Иманбек, бір аптадан кейін екінші Grammy-ге барамыз»,
— деп жазған еді рэпер. Айта кетейік, жақында Grammy иегері Forbes журналының «30 жасқа дейінгі ең перспективті 30 ресейлік» тізімінің шорт парағына кірді. Сонымен қатар, Иманбек Sean Paul және Sofia Reyes-пен бірге Dancing on Dangerous атты трек шығарды.
