Халықаралық олимпиадаларда жеңген қазақстандық оқушылар 5,5 млн теңгеден сыйақы алады
Әлем бойынша ТОП-7 беделді олимпиадаларда жүлделі орын алған 26 қазақстандыққа барлығы 77,5 миллион теңге төленеді.
2023-2024 оқу жылының қорытындысы бойынша еліміздің ұлттық құрамасы ең беделді әлемдік пәндік олимпиадаларда 2 алтын, 12 күміс, 12 қола медаль және бір диплом иеленді. Біздің оқушылар математикадан, физикадан, биологиядан, химиядан, лингвистикадан, географиядан және информатикадан жүлделі болды. Еске салсақ, алтын медаль жеңіп алған оқушы 1500 айлық есептік көрсеткіш (АЕК) мөлшерінде, күміс медаль үшін – 1000 АЕК (3,7 млн тенге), қола медаль үшін – 500 АЕК (1,8 млн тенге) мөлшерінде ақшалай сыйақы алады.
Дереккөз: ҚР Оқу-ағарту министрлігі
