Футболдан Қазақстан құрамасының жаңа бас бапкері тағайындалды
Бұл «Қайрат» пен «Ертісте» ойнаған, жартылай қорғаушы Андрей Карпович.
Андрей Владимирович қазақстандық жанкүйерлеріне жақсы таныс. Ол ұлттық құрамада ең көп матч (55) өткізген ойыншылардың бестігіне кіреді. Бірнеше рет капитан ретінде алаңға шыққан болатын. Қазіргі уақытта 41 жастағы маман «Қызыл-Жар» командасының бас бапкері қызметін атқарады. Жаңа бас бапкердің командасы үшін алғашқы сынақ 24 наурызда Молдова құрамасына қарсы болады.
Дереккөз: Қазақстан Футбол Федерациясы
