Facebook, Instagram мен Whatsapp істен шыққаннан кейін Telegram-ға 50 млн адам тіркелді
Сонымен қатар, сүйікті әлеуметтік желілерден айырылған қолданушылар аса көп пайдаланбайтын Твиттер мен Вконтакте желілеріне көшуге мәжбүр болды.
Ал мем жасаушылар қол қусырып отырған жоқ. Желіде $7 млрд-дан айырылып, жылап тұрған Марк Цукерберг пен «На чиле, на расслабоне» деп жазылған және күлімсіреп жатқан Павел Дуровтың мемдері кеңінен тарауда. Еске салайық, кеше бүкіл әлемде цифрлық апокалипсис орын алды. Facebook, Instagram мен Whatsapp бірнеше сағатқа істен шықты. Цукербергтың компаниясында байланыс роутерлердің конфигруциясын ауыстыру кезінде үзілді деп түсіндірді.
