Енді eGov.kz арқылы көлікке қатысты барлық мәліметті білуге болады
Жаңа қызмет арқылы көлік туралы ақпаратты алдын-ала алып, алаяқтықтардан сақтануға болады.
Ол үшін egov порталында басты бетте «сервистер» деген бөлімді таңдап, «Көлік тарихы» қызметіне өту қажет. Автокөліктің мемлекеттік нөмірі мен көлік құралын тіркеу туралы куәліктің номерін енгізсең, бірден барлық мәлімет шыға келеді. Көліктің шығарылған жылынан бастап, түсі, қозғалтқыш көлемі, Қазақстанда қай жылы тіркелді, көлік кепілде тұр ма? Осы сынды маңызды мәліметтер көрсетіледі. Бұл көлікті сатып алушыға алдын-ала ақпаратпен танысып, алаяқтықтардан сақтануға мүмкіндік береді, деп хабарлайды Қазақстан арнасы.
Фото: Pixabay
