EGov порталына қазақстандықтардың 15 цифрлық құжаты енгізілді
Қолданушылар оларды жеке кабинеттерінде қосымша бөлімде таба алады. Цифрлық нұсқада жеке куәлік, жүргізуші, туу, неке қию туралы куәліктер, техникалық төлқұжат, студенттік билет, диплом, зейнеткер, қандас куәлігі, вакцина құжаты, тіпті COVID-19-ға ПТР тестінің нәтижесі де бар.
Барлығы 15 цифрлық құжат қолжетімді. Десе де, қазақстандықтар заң бойынша әлі де құжаттарды өзімен бірге алып жүруге міндетті. Әзірге ел тұрғындары жүргізуші куәлігін өзімен бірге алып жүруден босатылды.
Дереккөз: Tengrinews
