Димаш Құдайберген Азияның ең сымбатты ер адамы рейтингінде 1-ші орынға шықты
Қазақстандық әнші 6 миллион 381 мың дауыс жинап, оңтүстіккореялық BTS тобының солисі Ким Сокджинды екінші орынға ығыстырды. Бұдан бұрын ол рейтингте көш бастап келген еді.
Үшінші орында тайлық актер Вин Метавин (Win Metawin) тұр. «Азияның ең тартымды 100 азаматы» үшін дауыс беру K-Pop жанкүйерлеріне арналған King Choice сайтында жүріп жатыр. Ол 30 қыркүйекке дейін жалғасады. Ким Сокджин мен Димаш арасындағы дауыс айырмашылығы 7-ақ мың, сондықтан отандасымызға қолдау көрсетейік. Дауысты kingchoice.me сайтында беруге болады.
