Депутат қазақстандық көпбалалы аналардың тісін тегін емдеуді ұсынды
Ерлан Сайыровтың айтуынша, елімізде бала туғаннан кейін берілетін жәрдемақы бар.
Оның мөлшері 1-3 балаға – 140 мың теңге, төрт және одан көп балаға 232 мың теңге. Бірақ бұл – әйелге өтемақы емес, баланың күтіміне берілетін сома. «Ана бала көтергенде кальцийді көп жұмсап, өзінің тісінен айырылатыны – медициналық факт. Көпбалалы атанған 543 мың әйелдің барлығының басында бар зор проблема – тістің түсуі. Сондықтан көпбалалы аналарға тісін жөндеу үшін бір реттік қаржылық төлем қалыптастыру қажет», – деп санайды мәжілісмен.
Дереккөз: Stan.kz
