Британияда ондаған адам қар басқан пабта қамалып қалып, құтқарушылар келгенде, кеткісі келмей қалды
Оқиға Ұлыбританияның ең биік пабы атағына ие болған ойын-сауық мекемесінде орын алды.
60-қа жуық адам онда Oasis тобының концертіне келген. Алайда пабта үш күнге қалуға мәжбүр болды. Себебі жолды бір метрлік қар басып қалған. Десе де, келушілер уақытын қызықты өткізді. Мекеме қызметкерлері олар үшін күнде неше түрлі сайыс, караоке ұйымдастырып отырды. Сондықтан құтқарушылар паб қонақтарын шығарып алуға асығып келсе, олар кеткісі келмей қалған.
Дереккөз: TJournal
