Билли Айлиштің жаңа альбомы жарық көрмей жатып, рекорд орнатты
19 жастағы америкалық әншінің «Happier than ever» атты туындысы 30 шілдеде шығады. Алайда Apple Music-тің 1 миллион 28 мың қолданушысы оған алдын ала тапсырыс беріп үлгерді.
Жаңа альбомға 16 композиция кірді. Оның ішінде «My future», «Lost cause», «Your power», «NDA» және «Therefore I am» әндері бар. Айта кетейік, Билли Айлиштің 2019 жылы шыққан алғашқы альбомы да рекорд орнатқан еді. Релизден бірнеше күн бұрын оған 800 мың тыңдаушы алдын ала тапсырыс берді.
Дереккөз: РИА Новости
