Билли Айлиштің корсет киген фотосы Инстаграмда жаңа рекорд орнатты
19 жастағы әншінің пинап бейнесінде түскен фотосуреті 6 минуттың ішінде миллион лайк жинады.
Ал қазір, лайктың саны 21 миллионға жақындап қалды. Британиялық Vogue үшін түсірілген фотосессия Билли Айлиштің жанкүйерлерін таңғалдырды. Жас әнші корсет пен шұлық киіп, барлығын тәнті етті. Бұдан бұрын ол тек қолпылдақ киім киіп келген еді. Еске салайын 2019 жылы жұмыртқаның суреті 26 миллион лайк жинап, рекорд орнатқан еді. Одан бұрын рекорд иегері 18 миллион лайк жинаған Кайли Дженнердің жаңа туған қызымен түскен суреті болды.
