80 жастағы ақмолалық «Асыл әже» атағына ие болды
Ақмола облысында Наурыз мерекесі қарсаңында «Ақ жаулықты ақ әже» байқау-фестивалі өтті.
Оған өңірдегі қалалық, аудандық мәдениет үйлерінің жолдамасымен жасы 60-тан асқан немере, шөбере тәрбиелеп отырған әжелер қатысып, бақ сынады. Қатысушылар «Шебер әже», «Өнегелі әже» «Мейірбан әже» және басқа да аталымдарға ие болды. Ал бас жүлде «Асыл әже» атағына Астрахан ауданынан келген 80 жастағы Шолпан Қасымова лайық деп танылды. Байқау қатысушылары мен жүлдегерлері бағалы сыйлықтармен және диплодармен марапатталды.
Дереккөз: ҚазАқпарат
