23 жастағы қазақстандық әлемдегі ең ақылды адамдар тізіміне кірді
Алдияр Семедьяров есімді Ақтау тумасы екі ай бұрын IQ-тестін тапсырған. Векслер шкаласы бойынша оның интеллект коэффициенті 135-тен асқан. Бұл әлемнің 99% тұрғынының интеллект көрсеткішінен жоғары.
Алдияр бірден халықаралық Mensа ұйымына қабылданды. Бүгінде оған 100 мемлекеттен 120 мың адам мүше болып отыр. Физикадан республикалық Олимпиада жүлдегері, «Алтын белгі» иегері Алдияр Семедьяров қазір Швейцарияда «Электрикалық инженерия» маманы бойынша білім алып жатыр. Еске сала кетейік, 2016 жылы Mensa ұйымына Инстаграм жұлдызы, ең тартымды қазақстандықтардың бірі Димаш Әділет қабылданған болатын.
Дереккөз: Лада
